Во рамките на Јавното Претпријатие “Стрежево” на ден 24.04.2019 година се одржа состанок на кој присуствуваа претставници од Техничкиот Факултет Битола и Јавното Претпријатие Стрежево.
На состанокот присуствуваа директор Методија Граматковски, дипл.ел.инж. при Јавното претпријатие Стрежево, деканот проф. д-р Стојанче Нусев, проф. д-р Митко Костов- продекан за финансии, проф. д-р Гордана Јанева - продекан за меѓународна соработка, проф. д-р Методија Атанасовски шеф - на електротехнички сектор.
На состанокот е потпишан Меморандум за соработка . Предмет на овој Меморандум за соработка е долгорочна научна, техничка, образовна и апликативна соработка помеѓу двете институции. Јавното претпријатие Стрежево и Техничкиот факултет (членка на Универзитетот Св Климент Охридски) договорија форма на долгорочна соработка која ќе се остварува на следните начини:
-заеднички проекти од истражувачки, развоен и научен карактер
-соработка со едукативни процеси преку ангажирање на стручњаци од практиката за реализација на клиничка(стручно-практична) настава
-организирање и реализација на практична настава за студенти од техничкиот факултет во Битола во зависност од расположливите можности
-соработка при дефинирање на теми за дипломски, магистерски и докторски трудови во рамките на образовниот процес на Техничкиот факултет, а кои се во интерес на потписниците.
-Различни облици на научна, истражувачка и техничка помош
-Консултации и експертизи
-Воспоставување на контакти и презентација на договорените страни пред домашни и странски субјекти
-Организирање на тркалезни маси и размена на искуства
-Организирање на курсеви и обуки од страна на Техничкиот факултет и издавање на соодветни сертификати.
