Со Одлука на Управниот одбор на ЈП"Стрежево" - Битола, се изврши намалување за 10% на задолжението за искористена вода за наводнување за сезоната 2015.

Денес, 04.12.2015 година, заврши реконструкцијата на цевководот кај село Егри во должина од 650 метри.

Се изврши замена на нефункционалните цевки, поради кои на тој реон имаше проблеми во нормалното водоснабдување. Следната фаза на замена на уште 120 метри ќе се изведи наредната година и со тоа во целост ќе се добие функционален цевковод за непречено снабдување со вода на околните корисници. Вкупната површина која се наводнува од овој цевковод изнесува  над   2.500 ha, а самата инвестицијата има вредност од 12.000.000 денари.

 Во текот на 2015 година поради обилните врнежи и влијанието на подземните води, појавено е свлечиште во зона на сервисниот пат на главниот доводен канал на стационажа km 12+700.

 Со свлекувањето беше целосно зафатен потег од сервисниот пат со должина од 15-25 m, а круната на самото свлечиште оди скоро до самиот заштитен насип на каналот. Во месец мај констатирано е проширување на свлечната зона со појава на пукнатини на сервисниот пат, со што се наложи потребата од зголемување на санационите мерки.

Денес се изврши порибување на акумулација "Стрежево", во согласност со риболовната основа и Годишниот план за 2015 година, со рибен подмладок набавен од регистрираниот репроцентар "Акватика" - Неготино.

Порибувањето се реализираше со крап, во количина од над 150 килограми, со просечна маса на порибителен материјал од 100-150 грама, односно од 1000-1200 парчиња, со што само во 2015 година акумулацијата е збогатена со над 300 килограми подмладок од крап.