Изјава на директорот Методија Граматковски до медиумите

Почитувајќи го начелото за отчетно и транспарентно работење, две години со ред, а еве и денес пред Вас презентирам дел од работата на Стрежево во изминатата 2020 година и плановите за тековната 2021 година. Оваа информација која ја испраќаме денес е капиталот со кој излегуваме во јавноста и врз кој граѓаните треба да не вреднуваат.

Новата сезона за рекреативен риболов на рекреативната зона “Акумулација Стрежево” официјално започнува на 1 март 2021 година.

Заинтересираните граѓани оваа година повторно ќе имаат можност да вршат рекреативен риболов на една од најатрактивните риболовни води во нашата земја по убедливо најповолни цени од сите рекреативни зони и риболовни ревири.

Акумулацијата Стрежево е подготвена да ги прифати водите од врнежите кои го зафатија регионот деновиве. Дневниот доток во акумулацијата изнесува околу 1,5 милион метри кубни вода или околу 15 m3/sec. Водите се зафаќаат од водотеците на Баба Планина преку Собирниот (Алиментационен) канал и се внесуваат во сливот на река Шемница.

По обилните врнежи од дожд и високата температура што придонесе за нагло топење на снегот од Баба Планина, за само неколку часа огромни количини на вода се слеаја во водотеците од сливното подрачје на хидросистемот Стрежево, а особено во реката Драгор.