Со цел санација на појавените свлечишта на Главниот доводен канал и Собирниот канал изработени се Извештаи за геотехнички истражни работи и тоа за пет свлечишта на ГДК и за две свлечишта на Собирниот канал од страна на Градежен факултет-Скопје, кои се ревидирани од Градежен институт Македонија - Скопје.

Во насока на осовременување и усовршување на геодетската служба, а со тоа и за пошироките потреби на ЈП "Стрежево", во тек е набавка на современа геодетска опрема, GPS уреди, како и нов плотер.

                    Согласно Законот за вработените во јавниот сектор и Законот за административните службеници  во тек е изработка на Правилник за организација на работењето  и Правилник за систематизација на работните места во ЈП "Стрежево" – Битола.

Со либерализацијата на пазарот на електрична енергија се отвори можност за учество на домашниот пазар на ЈП "Стрежево", како производител на електрична енергија.